Зеленский: Трамптын өкүлдөрү Украинага келиши күтүлүүдө

Биз коопсуздукту камсыз кыла ала турган келишимдердин деталдарын иштеп жатабыз Бул тууралуу Украинанын президенти Владимир Зеленский Улуттук коопсуздук жана коргоо кеңешинин катчысы Рустем Умеровдун АКШда өткөргөн сүйлөшүүлөрүнүн жыйынтыгына байланыштуу “Telegram” аркылуу билдирди "Биз коопсуздукту камсыз кыла ала турган келишимдердин майда-чүйдөсүнө чейин иштеп жатабыз. Эң негизгиси конструктивдүүлүк бар жана тынчтыкка карай жылып, Украинаны жана АКШ менен эки тараптуу мамилелерди чыңдоо керек", - деп баса белгиледи Украинанын президенти Ал жолугушууларда гуманитардык маселелер, өзгөчө согуш туткундарын алмашууну улантуу талкууланганын кошумчалады Зеленский ошондой эле АКШ делегациясынын Украинага сапарынын графиги боюнча макулдашканын белгиледи: "Сүйлөшүүлөр маңыздуу болду. Биз керектүү сапарлардын графигин макулдашып жатабыз жана жаз менен жайдын ортосунда АКШ президентинин өкүлдөрүн Киевде күтөбүз. Бул жолу пландарды ишке ашыруу жана дипломатияны активдештирүү мүмкүн болот деп үмүттөнөбүз"