Өзбекстан менен АКШ соода жана инвестициялык кызматташтыкты өнүктүрүүнү талкуулашты

Ташкентте Өзбекстандын президентинин администрация башчысы Саида Мирзиёева менен АКШнын соода министринин орун басары Дэвид Фогел жолугушту Бул тууралуу С.Мирзиёева өзүнүн социалдык тармактагы баракчасына таратканын «Репорт» билдирди Маалыматка ылайык, тараптар эки өлкөнүн соода-экономикалык жана инвестициялык кызматташтыгын кеңейтүү маселелерин талкуулашты. Инфраструктуралык долбоорлорду өнүктүрүү перспективаларына, ошондой эле эки тараптуу кызматташуунун жаңы багыттарына өзгөчө көңүл бурулду АКШ бизнеси өзбек компаниялары менен кызматташууга кызыкдар экени айтылды. Тараптар жумушчу орундарды түзүү жана экономикалык мүмкүнчүлүктөрдү кеңейтүү максатында бул өнөктөштүктү өнүктүрүү боюнча практикалык кадамдарды жасоого даяр экендиктерин билдиришти Эки өлкөнүн ишкерлеринин ортосундагы ишкер мамилелерди бекемдөөгө жана практикалык кызматташтыкты өнүктүрүүгө көмөктөшүүчү АКШ-Өзбекстан бизнес жана инвестиция кеңешинин ишмердүүлүгү өзүнчө каралды Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат