Орусия Федерациясынан авиакеросинди экспорттоого тыюу Борбор Азияга таасирин тийгизет - эксперт

Россия авиациялык керосинди экспорттоого убактылуу тыюу салууну киргизди, ал 2026-жылдын 30-ноябрына чейин күчүндө болот. Чектөө биржа аукциондорунда сатылып алынган авиациялык күйүүчү майга да тиешелүү The Insider басылмасы базардын катышуучуларына таянып жазгандай, тыюу биринчи кезекте Борбор Азия өлкөлөрүнө жана Түркияга таасир этиши мүмкүн. Лондондук компаниялардын биринин трейдеринин айтымында, 2025-жылы Орусия күнүнө орто эсеп менен 30 миң баррелге жакын авиакеросин экспорттогон жана Түркия 2026-жылдын башында негизги сатып алуучу бойдон калган Эксперт белгилегендей, Орусия дүйнөлүк рыноктун 2–4%га жакынын камсыз кылуучу авиа күйүүчү майдын дүйнөдөгү эң ири өндүрүүчүлөрүнүн бири. Экспортту убактылуу чектөө чечими мунайды кайра иштетүүчү инфраструктурага украиналык учкучсуз учактар тарабынан жасалган чабуулдардын шартында ички рынокту турукташтыруу зарылчылыгы менен байланыштуу Басылманын маектешинин айтымында, келтирилген зыяндан улам Орусиянын мунай иштетүүчү кубаттуулуктарынын төрттөн бирине жакыны убактылуу иштен чыгарылып, мунай иштетүү көлөмүнүн байкаларлык азайышына алып келген Өзбекстандын Энергетика министрлиги Орусия киргизген чектөөлөр республикага авиакеросиндин импортуна таасирин тийгизбей турганын билдирди "Убактылуу чектөөлөр өкмөттөр аралык келишимдер боюнча ташып келүүгө тиешеси жок. Өзбекстан менен Россиянын ортосунда тиешелүү өкмөттөр аралык келишим бар, андыктан чектөөлөр өлкөгө авиакеросиндин импортуна таасир этпейт", — деп айтылат ведомствонун билдирүүсүндө Ката тапсаңыз, тексттин бир бөлүгүн тандап, Ctrl+Enter баскычтарын басыңыз