Кызылорда облусунда каналдан кыздын жансыз денеси табылды

Кызылорда облусунун Шиели районунда каналдын шлюзунан кыздын жансыз денеси табылды. Окуяга байланыштуу милиция кылмыш ишин козгоду Облустук ички иштер башкармалыгынан билдиришкендей, 3-июнь күнү кечинде айыл тургундарынын бири каналдын шлюзунан кыздын жансыз денеси табылганын билдирген Окуя болгон жерге ыкчам келген укук коргоо кызматкерлери маркумдун өздүгүн аныкташкан. Алдын ала маалымат боюнча, кыз 2-июнь күнү кечинде үйүнөн чыгып кеткен бойдон кайтып келген эмес Адам өлтүрүү фактысы боюнча кылмыш иши козголгон. Кылмыштын бетин ачуу жана шектүүнү аныктоо максатында тажрыйбалуу кызматкерлерден турган атайын ыкчам-тергөө тобу түзүлдү. Учурда окуянын бардык жагдайларын аныктоого багытталган ыкчам-издөө иш-чаралары жүргүзүлүп жатат, деп билдирди ведомстводон Милиция тергөөнүн кызыкчылыгынан улам сотко чейинки иликтөөнүн маалыматтары ачык айтылбай турганын билдирди Укук коргоо органдары социалдык тармактарда жана мессенджерлерде тарап жаткан адам өлтүрүүнүн чоо-жайы тууралуу айрым маалыматтар чындыкка дал келбей турганын да эскертти Жарандарды жалган маалымат таратпоого жана расмий булактарга гана ишенүүгө чакырат. ИИМдин билдирүүсүнө ылайык, жалган маалымат тараткандар үчүн жоопкерчилик мыйзамда каралган Учурда кылмыш ишинин тергөөсү облустук ички иштер башкармалыгынын жетекчилигинин өзгөчө көзөмөлүндө