Япония жарандары Азербайжанга визасыз бара алышат

Азербайжан жапон жарандары үчүн бир жылдык мөөнөткө визасыз режимди бир тараптуу киргизүү чечимин чыгарды Бул тууралуу Азербайжандын тышкы иштер министри Жейхун Байрамов менен Япониянын тышкы иштер министри Тошимицу Мотегинин жолугушуусунан кийин тараган биргелешкен маалыматта айтылат, деп билдирет Modern.az Маалыматка ылайык, Япония тарап туризмди өнүктүрүү жана экономикалык, гуманитардык жана маданий байланыштарды мындан ары кеңейтүү максатында кабыл алынган чечимди кубаттады Тараптар ошондой эле өз жарандарынын өз ара сапарларын жеңилдетүү жана эл аралык мамилелерди өнүктүрүү багытында кызматташуу улана берерин ырасташты Белгилей кетсек, бул чечим Азербайжан-Япония мамилелерин өнүктүрүү жана эки өлкөнүн кызматташтыгын кеңейтүү багытында жасалган кадамдардын бири катары каралууда