"WUF13 глобалдык диалог жана өнөктөштүк платформасы болуп калды" - Анар Гулиев

"Азербайжан элине чын жүрөктөн ыраазычылык билдирем. Алардын ачыктыгы жана меймандостугу WUF13тун ийгилигине чоң салым кошту жана иш-чаранын жүрүшүндө достук, биримдик жана жалпы максаттын атмосферасын түзүүгө жардам берди" Бул тууралуу БУУнун Бүткүл дүйнөлүк шаар куруу форумунун (WUF13) 13-сессиясынын расмий жабылыш аземинде WUF13 улуттук координатору, Мамлекеттик шаар куруу жана архитектура комитетинин төрагасы Анар Гулиев билдирди “Акыркы бир нече күн ичинде “Жашоо чөйрөсү бардыгы үчүн: коопсуз жана туруктуу шаарлар жана калктуу конуштар” темасынын алдында өткөн WUF13 биздин шаарлардын жана жамааттардын келечеги тууралуу диалогдун, өнөктөштүктүн жана жамааттык ой жүгүртүүнүн глобалдык аянтчасына айланды”,-деди Анар Гулиев Анын айтымында, WUF13 күн тартиби турак жай маселесин глобалдык шаардык күн тартибинин борборуна коюп, адекваттуу, жеткиликтүү, коопсуз жана туруктуу турак жайга жетүү биздин замандын эң маанилүү чакырыктарынын бири болуп калаарын дагы бир жолу тастыктады. Сессиянын алкагындагы талкууларда турак жай адамдын негизги муктаждыгы гана эмес, кадыр-барктын, туруктуулуктун, социалдык инклюзивдүүлүктүн, экономикалык мүмкүнчүлүктөрдүн жана шаарды туруктуу өнүктүрүүнүн пайдубалы экени баса белгиленди Улуттук координатор WUF13 өзүнүн масштабы менен гана эмес, инновациялык форматтары, инклюзивдүү катышуусу жана маңыздуу натыйжалары менен да эсте калат деген ишенимин билдирди