Маалымат алмашуунун начардыгы логистикада AI өнүктүрүүгө тоскоол болууда - Литва расмий

Баку, Азербайжан, 3-июнь. Маалымат алмашуунун начардыгы логистикада жасалма интеллекттин (AI) өнүгүшүнө тоскоол болууда, деп билдирди Литва транспорттук инновациялар ассоциациясынын директорлор кеңешинин төрагасы Юргис Адомавичюс Бакуда өткөн 2-Каспий эл аралык транспорт, транзит жана логистикалык форумда Анын айтымында, AI адам факторусуз эффективдүү иштей албайт жана технологияларды туура колдонуу үчүн биринчи кезекте адам ресурстарын даярдоо маанилүү Адомавичюс белгилегендей, азыркы заманда жасалма интеллект түшүнүгү көбүнчө роботтук технологиялар менен чаташтырылат, андыктан кайсы аспап кайсы тармакта колдонулушу керектигин туура аныктоо маанилүү Анын айтымында, эл аралык логистика тармагындагы негизги көйгөйлөрдүн бири - маалыматтардын сапаты жана маалымат алмашуу механизмдеринин жетишсиздиги "AI сапаттуу маалымат базасы болгондо гана натыйжалуу иштей алат. Бул маалыматтар өкмөттөрдөн, бажы органдарынан жана транзиттик өлкөлөрдүн тутумдарынан алынышы керек. Бирок, көп учурда бажы маалыматтары туура эмес жана өлкөлөр ортосунда маалымат алмашуу протоколдору жок", - деп баса белгиледи ал Адомавичюстун айтымында, ал жетектеген бажы брокердик компаниясы айына 40 000ге жакын заказдарды иштетет жана жума күнү кечинде эле миңдеген буйрутмалар кабыл алынат. Мында негизги максат — Транскаспий маршруту боюнча журуучу жук ташуучу автомашиналардын мумкунчулуктерун тездик менен аныктоо Ал белгилегендей, компания буга чейин логистикалык процесстерди автоматташтырууга жүз миңдеген евро инвестиция салганы менен, сапатсыз маалыматтардын айынан каалаган натыйжага жетишүү мүмкүн болгон эмес "Биз эки жылдан бери базабызды жасалма интеллектке ылайыктуу кылуу үчүн иштеп жатабыз. Учурда AI транспорттук документтерди, CMR, сертификаттарды жана башка маалыматтарды талдап, каттамдардын ылайыктуулугун баалай алат", - деп кошумчалады ал Адомавичюс ошондой эле маалымат алмашуу системалары жана тийиштүү маалымат базасы болмоюнча, жасалма интеллект логистикалык сектордо күтүлгөн эффектке ээ боло албасын айтты