Бардык мектеп бүтүрүүчүлөрү ошол эле күнү аттестаттарды алышат. Билим берүү министрлиги датаны жарыялады

26-июнда Кыргызстанда 9-11-класстын бүтүрүүчүлөрүнө билими тууралуу документтерин тапшыруу аземи болот. Бул тууралуу Билим берүү министрлиги билдирет Иш-чара өлкөнүн бардык мектептеринде саат 09:00дө башталат Бул күнү 9-класстын бүтүрүүчүлөрүнө негизги жалпы билими тууралуу аттестат, 11-класстын бүтүрүүчүлөрүнө орто жалпы билими тууралуу аттестат ыйгарылат Министрлик салтанат учурунда окуучулардын коопсуздугу үчүн жоопкерчилик мектеп жетекчилигине жүктөлөрүн баса белгиледи Ошондой эле, менчигинин түрүнө карабастан өлкө боюнча мектептерде бүтүрүү кечелерине акча чогултууга тыюу салынды. Мындан тышкары, бүтүрүүчүлөр жана алардын ата-энелери үчүн акы төлөнүүчү кошумча эс алууларды уюштурууга жол берилбейт; документтерди тапшыруунун расмий аземине гана жол берилет