Согуш, НАТО саммити, ЕБ менен Түркиянын мамилесин бекемдөө: Эрдоган менен Калластын сүйлөшүүлөрү

Түркиянын президенти Режеп Тайып Эрдоган Анкарадагы президенттик комплексте Евробиримдиктин тышкы иштер жана коопсуздук саясаты боюнча жогорку өкүлү Кая Калласты кабыл алды Жолугушуу Еврокомиссиянын делегациясынын Түркияга болгон иш сапарынын алкагында өттү. Түркиянын президенттик администрациясынан билдиришкендей, тараптар Түркия менен Евробиримдиктин алакасын, аймактык жана эл аралык маселелерди, ошондой эле НАТОнун Анкарада боло турган саммитине даярдыктарды талкуулашты Анадолу билдиргендей, сүйлөшүүлөр жабык эшик артында өттү. Жолугушууга түрк тараптан тышкы иштер министри Хакан Фидан, президенттик администрациянын алдындагы коммуникациялар башкармалыгынын башчысы Бурханеттин Дуран жана президенттин тышкы саясат жана коопсуздук боюнча кеңешчиси Акиф Чагатай Кылыч да катышты Өз кезегинде Кая Каллас X социалдык тармагына Түркиянын президенти менен жолугушуусу тууралуу комментарий берди. Каллас: «Түркия коопсуздук, миграция жана энергетика маселелери боюнча негизги өнөктөш жана Евробиримдикке талапкер өлкө»,-деп жазды «Бүгүн президент Эрдоган менен Евробиримдик менен Түркиянын ортосундагы мамилелерди мындан ары чыңдоо, ошондой эле жакшы коңшулук мамилелердин маанилүүлүгү тууралуу сүйлөшүү кубанычтуу болду», - деди ал. "Ошондой эле Орусиянын Украинага каршы согушу, Жакынкы Чыгыштагы чыр-чатактар ​​жана НАТОнун Анкарадагы саммитине даярдыктар тууралуу сүйлөштүк. Түркия НАТОнун чыгыш канатын коргоого олуттуу салым кошууда", - деп жыйынтыктады ЕБ Жогорку өкүлү