Жамбыл облусунда 46 суу скважинасын калыбына келтирүү иштери аяктап жатат

Меркен районунда министр Европа реконструкциялоо жана өнүктүрүү банкы менен биргеликте облустагы ирригациялык каналдарды, дренаждык системаларды жана курулмаларды реконструкциялоо долбоорунун алкагында жүргүзүлүп жаткан 46 суу скважинасын калыбына келтирүү иштеринин жүрүшү менен таанышты. Бүгүнкү күндө Ойтал айыл аймагындагы бардык 13 скважина калыбына келтирилип, ишке берилди. Андас-Батыр айыл аймагында 27 скважина ишке берилди. Райондо ушул айдын аягына чейин калган 6 скважина сынагынан өтүү пландалууда. Бул суу алуучу скважиналар 2,7 миң гектарга жакын сугат жерлерин суу менен камсыз кылган каналдарды кайра толтурууга арналган Андан кийин Нуржан Нуржигитов Шу районуна барып, быйыл башталган Сол жээк жана Оң жээк магистралдык каналдарын реконструкциялоо иштеринин жүрүшү менен таанышты. Объектилердин жалпы узундугу 88 чакырымдан ашык. Учурда каналдарды казуу, тазалоо иштери жүрүп жатат Объектилерди кайра куруу Шу районундагы 18,1 миц гектар сугат жерди суу менен камсыз кылууну жакшыртат. Иш Ислам өнүктүрүү банкы менен биргеликте “Климатка туруктуу суу ресурстарын өнүктүрүү” долбоорунун биринчи фазасынын алкагында жүргүзүлүүдө. Оң жээк жана Сол жээк магистралдык каналдарын реконструкциялоону келерки жылдын аягына чейин бүтүрүү пландалууда Шу районунда министр К-1 каналында да болуп, андагы даярдык жана жер казуу иштеринин жүрүшү менен таанышты. Бул объектини реконструкциялоо дагы ИӨБ менен биргелешкен долбоордун алкагында жүргүзүлүүдө Кордай районунда Нуржан Нуржигитов узундугу 18 чакырымды түзгөн Благовещенский каналын реконструкциялоонун жүрүшү менен таанышты. Участокто иш графикке ылайык журуп жатат. Долбоорду ушул жылдын аягына чейин бүтүрүү пландалууда Министр ошондой эле Шу дарыясын Георгиевский магистралдык каналы менен байланыштырган азыктандыруучу каналдагы контейнердик насостук станциянын иши менен таанышты. Өткөн жылы пайдаланууга берилген объект Кайнар айылындагы 3800 гектар сугат жерди сугат суу менен камсыз кылат. Анын өткөрүү жөндөмдүүлүгү секундасына 1 куб метрди түзөт — Жамбыл облусунун сугат жерлерин туруктуу суу менен камсыз кылуу жана суу ресурстарын натыйжалуу пайдалануу үчүн облуста ири инфраструктуралык долбоорлор ишке ашырылууда. Эми аткарылган бардык иштерди сапаттуу жана өз убагында бүтүрүүнү камсыз кылуу керек. Биздин министрлик бул маселени өзгөчө көзөмөлгө алууда”,-деди Суу чарба жана ирригация министри Нуржан Нуржигитов Жамбыл облусунда ирригацияны жакшыртуу үчүн дээрлик 400 чакырым канал реконструкцияланып жатканы мурда маалымдалган