Көңүл бургула! Элебесова көчөсүнүн бир бөлүгү убактылуу жабылат

Бишкекте “Дордой” базарынын аймагындагы жол инфраструктурасын реконструкциялоо долбоорунун экинчи этабы башталат. Бул тууралуу мэриянын басма сөз кызматы билдирди Буга байланыштуу 16-июндан тарта Элебесова көчөсүнүн Кожевенная көчөсүнөн Түндүк айланма жолуна чейинки бөлүгүндө унаа кыймылы убактылуу чектелет Чектөө жол инфраструктурасынын абалын жакшыртууга жана жол коопсуздугун жогорулатууга багытталган оңдоо-калыбына келтирүү иштерине байланыштуу киргизилүүдө Мэрия убактылуу ыңгайсыздыктарга түшүнүү менен мамиле кылууну жана каттамдарды пландоодо өзгөртүүлөрдү алдын ала эске алууну өтүнөт