Бийлик казакстандыктардын реалдуу кирешеси азайганын моюнга алды

Казакстандыктардын реалдуу кирешелери 2025-жылы 1,1%га кыскарган. Бул тууралуу Улуттук экономиканын биринчи вице-министри Азамат Амрин билдирди, деп жазат Orda.kz Анын айтымында, бийлик калктын кирешесин жогорулатуу боюнча комплекстүү планды жаңыртты - мамлекеттик программа эмгек акыны жогорулатуу, жаңы жумуш орундарын түзүү жана иш менен камсыз кылууну колдоо аркылуу казакстандыктардын жашоо деңгээлин жогорулатууга багытталган. Ошондой эле инфляция жана калктын карыз жүгү менен күрөшүү чаралары кошулду Ал ошондой эле инфляция жана жогорку карыз жүгү калктын кирешесинин деңгээлине таасир этүүчү негизги факторлордун бири бойдон кала берээрин кошумчалады Ал ошондой эле бийлик буга чейин жарыялаган минималдуу айлык акыны жогорулатуу маселесине токтолду. Бирок ал боюнча азырынча так маалымат жок Амриндин айтымында, минималдык айлык акыны жогорулатуу чечимин аткаминерлер эсептеп бүтүп, бюджеттин мүмкүнчүлүктөрүн баалагандан кийин кабыл алышат Евразия экономикалык комиссиясынын маалыматы боюнча Казакстанда бир жыл ичинде орточо айлык 9,1%га өскөнүн буга чейин жазганбыз. Бирок кымбаттаган баалар бул өсүштү жеп салды: биринчи кварталдын аягында өлкө реалдуу эмгек акынын динамикасы боюнча ЕАЭБде эң начар жыйынтыкты көрсөттү