Кыргыз Республикасынын бийлиги аймактардагы бизнести насыялоо үчүн 1,5 миллиард сом бөлөт

Министрлер кабинети “Кыргыз Республикасынын аймактарынын экономикалык өнүгүүсү” долбоорун ишке ашыруунун тартибин бекитти. Документте аймактардагы чарбакер субъекттерди бюджеттик насыялоого 1 миллиард 501,7 миллион сом бөлүү каралган №408 токтомго 2026-жылдын 10-июнунда министрлер кабинетинин башчысы Адылбек Касымалиев кол койгон. Документ расмий жарыялангандан 10 күн өткөндөн кийин күчүнө кирет Финансы министрлиги Борбордук казыналык системасында акча каражаттарын кредиттөө жана эсепке алуу үчүн өзүнчө эсеп ачууга тийиш. Ошондой эле ведомствого 2026-жылга республикалык бюджетке жана 2027-2028-жылдарга пландаштыруу мезгилине түзөтүүлөрдү даярдоодо тиешелүү өзгөртүүлөрдү киргизүү тапшырылды «Мамлекеттик финансы холдинг» ААКсы аркылуу кредиттөө сунушталды. Карыз алуучулар тарабынан кайтарылган каражаттар кийинки жылдарда кайрадан бюджеттик кредит берүүгө жумшалат. Бул акча бир жолку субсидия катары эмес, кайтарымдуулук механизми менен иштеши керек дегенди билдирет Бийлик бул процедуранын долбоорун 2026-жылдын апрель айында коомдук талкууга койгон. Андан соң Economist.kg жаңы моделде Мамлекеттик финансы холдингинин жардамы менен жеңилдетилген насыялоону борборлоштурулган башкаруу камтылганын жана кайтарылган каражаттарды револьвердик принцип боюнча жаңы кредиттерге кайра пайдалануу пландалып жатканын билдирди