Чет элдик номурлуу унаалардын ээлерине мыйзамдаштырууга акыркы мүмкүнчүлүк берилди. Жарлыкка кол коюлган

Президент Садыр Жапаров чет элдик мамлекеттик номурлуу унааларды легалдаштыруу процессин аяктоо боюнча жарлыкка кол койду. Каттоодон өтө элек мындай унаалардын ээлерине статусун иретке келтирүү мөөнөтү – 2026-жылдын 1-сентябрына чейин берилди. Бул тууралуу өлкө башчынын аппаратынын маалыматтык саясат бөлүмү билдирди Дагы жаңылыктар жана видеолор Kaktus.media Telegram каналында Документке ылайык, чет өлкөлүк номурлуу автоунаалардын ээлери министрлер кабинети бекитүүчү эрежелерге ылайык кошумча, акыркы легалдаштыруу процедурасынан өтө алышат. Аларга ошондой эле унааны Кыргызстандын аймагынан тышкары алып чыгууга, тетиктерге сатууга же кайра иштетүүгө уруксат берилет Жарлыкта кошумча легалдаштыруу бир жолку жана акыркы мүнөзгө ээ болору жана узартылышы мүмкүн эместиги баса белгиленет. 2024-жылдын 31-декабрына чейин Кыргызстанга алынып келинген жана мамлекеттик каттоодон өтө элек автоунаалардын ээлери гана пайдалана алышат 2026-жылдын 1-сентябрынан кийин мындай унааларды мыйзамдаштырууга тыюу салынат. Мыйзамдаштырыла элек унааларды иштетүү да мыйзамсыз болот Эгерде менчик ээлери токтомдун талаптарын белгиленген мөөнөттө аткарбаса, унаалар соттун чечими боюнча кийин тескөө менен адистештирилген токтоочу жайларга жайгаштырылат Министрлер кабинетине 30 күндүн ичинде автоунааларды кошумча легалдаштыруу жана кайра иштетүү тартибин иштеп чыгуу тапшырылды. Бирок, баштапкы каттоо үчүн жыйымдар ошол бойдон калат Ички иштер министрлиги камакка алынган лоттордогу автоунааларды андан ары каттоо, экспорттоо, запастык бөлүктөргө сатуу же утилизациялоо үчүн ээлерине берүүнү камсыз кылууга тийиш. Мындай учурларда сактоонун жеңилдетилген тарифи белгиленген - күнүнө 50 сом Мамлекеттик чек ара кызматына автоунааларды өлкөнүн чегинен тышкары тоскоолдуксуз алып чыгууну камсыз кылуу, ошондой эле чет өлкөлүк мамлекеттик номурлары бар транспорттук каражаттардын кирүүсүнүн бардык фактыларын мамлекеттик санариптик тутумдарга каттап, ээлерине кирген датасын санарип тастыктоо менен камсыздоо тапшырылды Жарлык расмий жарыяланган күндөн он күн өткөндөн кийин күчүнө кирет