Вэнс: Израилдин каршылыгына карабай, АКШ Иран менен сүйлөшүүлөрдү улантат

Израил кандай позицияны карманбасын, Вашингтон Тегеран менен келишимге жетишүү, анын ичинде өзөктүк программа маселесин чечүү багытында иштөөнү улантуу ниетинде Бул тууралуу АКШнын вице-президенти Жей Ди Вэнс Fox News телеканалына берген маегинде билдирди "Биз Ирандын өзөктүк программасы боюнча маселенин узак мөөнөттүү чечилишине жетишүүгө кудуреттүүбүз. Израилге жагабы, каалабашы мүмкүн, бирок биз мындай кадам АКШнын улуттук кызыкчылыктарына жооп берерине принципиалдуу ишенебиз. Ошондуктан биз бул багытта ишибизди токтотпойбуз", - деп белгиледи ал Вэнс Вашингтон менен келишимдин шарттарын Тегерандын реалдуу орундатышы анын натыйжалуулугунун негизги керсеткучтерунун бири боло тургандыгын белгиледи "Менин оюмча, [АКШнын президенти Дональд Трамп] көз карашы боюнча, [келишимдин аткарылышын] текшерүү керек. Сөзсүз түрдө, биз сөз болуп жаткан келишимдин ийгилигине баа берүүгө мүмкүндүк берген эң маанилүү критерийлердин бири - иран тарап кагаз жүзүндө эмне кыла тургандыгы эмес, иш жүзүндө келишимдин талаптарын аткарып жатабы же жокпу. Бул биринчи кезектеги мааниге ээ деп ойлойм", - деди АКШнын вице-президенти Эске сала кетсек, 28-февралда АКШ менен Израил Иранга каршы аскердик операциясын баштап, бир катар шаарларга абадан сокку урулган. Ошол эле күнү Ирандын жогорку лидери Али Хаменеи соккулардын натыйжасында өлтүрүлгөн. Буга жооп кылып Иран Израилдин аймагына жана Перс булуңундагы өлкөлөрдөгү АКШнын аскерий базаларына чабуул жасады Иран, АКШ жана алардын союздаштары 8-апрелге караган түнү ок атышпоо келишимине жетишти.Трамп кийин ок атышпоо келишимин белгисиз мөөнөткө узартты Тараптар Пакистанда жаңжалды жөнгө салуу боюнча сүйлөшүүлөрдү жүргүзгөн, бирок 11-12-апрелде өткөн биринчи айлампада эч кандай жыйынтык чыккан эмес АКШ Тегеранга кысым көрсөтүү үчүн Ирандын портторун жана Ормуз кысыгы аркылуу өтүүчү жолдорду блокадага алды. Иран өз кезегинде Перс булуңуна бара турган кемелер үчүн Ормуз кысыгын жаап салганын жарыялады. Аймактагы динамикалуу өзгөрүп жаткан кырдаал глобалдык энергетикалык кризисти жаратты Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат