Венгрия Украинанын айыл чарба продукцияларына тыюу салып, ЭККдан чыгуу чечимин өзгөрттү

Венгрия өкмөтү Украинадан айыл чарба азыктарын алып кирүүгө тыюу салуу жана өлкөнүн Эл аралык кылмыш сотунан чыгуу ниетин алып салуу чечимин чыгарды. Бул тууралуу Венгриянын премьер-министри Петер Мадьяр билдирди "Өкмөт Венгриянын Эл аралык Кылмыш Сотунан чыгуу ниетин жокко чыгарат жана Украинадан айыл чарба азыктарын импорттоого тыюу салат" деди Венгрия өкмөтүнүн башчысы Венгриянын бийликтери Украинанын айыл чарба азыктарынын так кайсы түрлөрүнө чектөөлөр киргизиле тургандыгы, чечим качан күчүнө кире турганы жана ал кайсы мөөнөткө киргизиле тургандыгы тууралуу толук маалымат бере элек Венгриянын Украинанын айыл чарба азыктарынын 20дан ашык категориясын импорттоого мурдагы тыюу салуусу 14-майга чейин күчүндө болчу. Анын мөөнөтү аяктагандан кийин Венгрия бийлиги чектөөлөрдү калыбына келтирүүнү чечти Экс-премьер-министр Виктор Орбан жетектеген мурдагы өкмөт өткөн жылдын апрель айында ЭКККдан чыгууну чечкен. Өлкө парламенти бул кадамды ошол эле айда жактырган. Чыгып кетүү тууралуу расмий билдирүү БУУнун баш катчысына былтыр июнда жөнөтүлгөн Венгрия 1999-жылы Эл аралык соттун негиздөөчү документи болгон Рим статутуна кол коюп, эки жылдан кийин аны ратификациялаган. Өлкө бийликтери ЭККдан чыгуу ниетин Израилдин премьер-министри Биньямин Нетаньяхунун сапарынын фонунда жарыялашты, аны камакка алуу үчүн сот 2024-жылы ордер чыгарган