Израилдин борборунда теракт болду: каза болгондор жана жарадар болгондор бар - видео

Израилдин борбордук бөлүгүндөгү Шарон аймагында бир катар куралдуу кол салуулар болгонун Израил маалымат каражаттары кабарлады Бийлик окуяны "теракт" деп баалады. Окуя болгон жерлерде Израилдин укук коргоо күчтөрү менен кол салгандар ортосундагы кагылышуулар жана атышуулар катталган MADA тез жардам кызматынын башкы директору Эли Биндин расмий маалыматына караганда, окуянын кесепетинен алты адам жабыркаган. Кийинчерээк жарадарлардын бири каза болгон. Бардык жарадарлар медициналык мекемелерге жеткирилди Полициянын басма сөз кызматы терактка шектелгендердин бири, араб тектүү Израилдин жараны "жеринде зыянсыздандырылды" деп билдирди. Экинчи шектүү жарадар болуп, окуя болгон жерден качып кеткен. Укук коргоо органдары аны издөөдө "Жоокерлер кошумча медициналык кызматкерлер менен бирге башка террорчуларды издөөнү башташты жана жарадарларга медициналык жардам көрсөтүүдө", — деп айтылат Израил армиясынын билдирүүсүндө The Jerusalem Post гезитинин жазганына караганда, израилдик армия качып кеткен экинчи чабуулчуну издеп жатат. Алар израилдик номурлуу унааны айдап бара жатышкан, дейт басылма. Басылманын айтымында, учурда премьер-министр Биньямин Нетаньяху кырдаалга баа берип жатат pic.twitter.com/AWC0aBdBvA