Тажикстанда балдар жер көчкүдөн каза болду

Тажикстандын түштүгүндө селден эки бала каза болуп, дагы үч адам оор жаракат алып ооруканага жаткырылды Окуя 3-июнь күнү түштөн кийин Шамсиддин Шохин районундагы Шахрибарбар айылында өспүрүмдөр мал жайып жүргөн жерде болгон. «Азаттыктын» тажик кызматынын «Озоди» агенттигине 4-июнда райондук администрациядагы булагы селден каза болгондор тогуз жана 11 жаштагы балдар болгонун билдирди "Өспүрүмдөрдү селден адамдар алып чыгып, ооруканага жеткиришкен. Экөө каза болуп, дагы үчөө оор жаракаттар менен медициналык мекемеде жатат", — деп айтылат маалыматта Май айында Тажикстандагы сел жана селден Куляб менен Турсунзада кеминде төрт адам каза болуп, бешөө жарадар болгону кабарланган Синоптиктер 5-июнь күнү өзгөчө тоолуу райондордо сел коркунучу жогору экенин эскертип, тургундарды этият болууга чакырды Аймагынын басымдуу бөлүгү тоолуу аймактарда жайгашкан Тажикстан сел, суу ташкын, жер көчкү жана кургакчылыкка алсыз бойдон калууда. Жыл сайын бул табигый кырсыктар өлкөгө ондогон миллион доллар зыян алып келет Azattyk Asia © 2026 RFE/RL, Inc. | Бардык укуктар корголгон