Алар борбордогу мектептин ремонтуна акча чогултушкан: Акчабарда кылмыш иши козголгон

Бишкек шаарынын прокуратурасы борбор калаадагы No24 мектептин окуучуларынын ата-энелеринен мыйзамсыз акча өндүрүү фактысы боюнча кылмыш ишин козгоду Президенттин «Балдардын акысыз мектепте билим алуу укугун ишке ашыруунун мамлекеттик кепилдиктерин камсыз кылуу боюнча чаралар жөнүндө» жарлыгынын талаптарынын аткарылышын текшерүүдө мыйзам бузуулар аныкталды Көзөмөл органынан билдиришкендей, билим берүү мекемесинин жооптуу кызматкерлери оңдоо иштерине ата-энелерден акча чогултууну уюштурушкан. Чогулган акчанын жалпы суммасы 1 миллион 131 миң 450 сомду түздү Чогулган каражаттын бир бөлүгү мектеп кызматкерлеринин биринин жашаган жеринде сакталып турганы аныкталган Бул факты боюнча КР Кылмыш-жаза кодексинин 337-беренеси (Кызмат абалынан кыянаттык менен пайдалануу) менен кылмыш иши козголду Учурда иштин бардык жагдайларын жана ага тиешеси бар адамдарды аныктоого багытталган тергөө амалдары жүргүзүлүүдө Кабардар болуңуз! Биздин Telegramга жазылыңыз