Дайынсыз жоголгон казак жараны Асет Куралбайдын сөөгү АКШда табылды

Буга чейин Иллинойс штатында жоголгон 24 жаштагы казак жараны Асет Куралбайдын сөөгү АКШда табылды. Анын өлүмү тууралуу маалыматты Казакстандын Тышкы иштер министрлиги жана Асет Куралбайдын жакындары тастыкташты Тышкы иштер министрлигинин расмий өкүлү Эрлан Жетыбаев буга чейин ведомствого АКШнын компетенттүү органдарынан Казакстандын жараны деп болжолдонгон адамдын сөөгү табылганы тууралуу маалымат түшкөнүн билдирген. Анын айтымында, америкалык тарап керектүү процедураларды аткарып жатат, казак дипломаттары жергиликтүү бийлик жана жакындары менен байланышта Асет Куралбай төрт жылдай АКШда жашап, маалымат каражаттарынын жазганына караганда, Amazon жеткирүү кызматында иштеген. Ал жакында Чикагонун чет жакасындагы Форд Хайтста жашаган Асет туугандары менен акыркы жолу 2-июнда байланышып, кийин телефонуна билдирүү түшпөй калган. Анын үйүнөн документтерин, банк картасын жана Асет Куралбайдын эжесинин айтымында, «эгер ага бир нерсе болуп кетсе» деген дарекке документтерди тапшырууну өтүнгөн кат табылган 10-июнда милиция кызматкерлери Асеттин үйүнөн алыс эмес жердеги Family Dollar дүкөнүнүн жанынан Тойота Камри үлгүсүндөгү унаасын табышкан Туугандары Асеттин АКШнын Миграция кызматы тарабынан кармалганын да текшеришкен, бирок ыктыярчылар аны иммиграция органдарынын маалымат базасынан таба алышкан эмес 15-июнда маркумдун сөөгүн мекенине жеткирүү үчүн акча чогултуу жарыяланган. ЖМКлардын маалыматына караганда, 24 саатка жетпеген убакытта жети миң доллардан ашык акча чогултулган Азырынча өлүмдүн себеби расмий түрдө айтыла элек. Туугандары америкалык бийликтерден жана казак дипломаттарынан кошумча маалымат күтүп жатышат Azattyk Asia © 2026 RFE/RL, Inc. | Бардык укуктар корголгон