АКШда жайкы фестивалда атышуу болуп, 12 адам жаракат алды (видео)

Огайо штатынын Толедо шаарында жайкы фестивалда атышуу болуп, 12 киши жараат алды. Бул тууралуу NBC News полицияга шилтеме берүү менен билдирди Полициянын маалыматына караганда, окуя жыл сайын өтүүчү жайкы фестивалдын аймагында болгон. Окуя болгон жерге келген кызматкерлер ок атышуудан бир нече жабырлануучуну табышкан. Алардын көбү жакын жердеги медициналык мекемелерге жеткирилген Кийинчерээк полиция 12 адам жабыркаганын тактады. Толедо полиция башчысынын орун басары Жозеф Хеффернандын айтымында, ок атуучу кеминде эки киши болгон. Алар бири-бирине ок чыгарган имиш Жабыркагандардын жаш курагы 14 жаштан 61 жашка чейин, алардын басымдуу бөлүгү 20дан ашкан жаштар. Атышуу учурунда фестивалда бир нече жүз адам болгон Полиция шектүүнү же шектүүлөрдү издөөнү улантып, Толедо шаарынын тургундарын жана зыяратчыларын окуянын айланасындагы жагдайлар аныкталып жатканда ок атышуу болгон аймактан качууга үндөдү Жыл сайын өтүүчү жайкы фестиваль шаардын популярдуу салттарынын бири болуп эсептелет. Анын программасы жандуу музыка концерттерин, тамак-аш жарманкелерин жана балдар үчүн иш-чараларды камтыйт Фестивалда кошумча милиция кызматкерлери, ошондой эле уюштуруучулар алып келген нөөмөттөн тышкаркы милиция кызматкерлери да нөөмөттө болушту. Мындан тышкары, аймакка мобилдик байкоочу камералар орнотулду Огайо штатынын губернатору Майк ДеВайн бул окуяга абдан тынчсызданып жатканын айтты "Жайкы фестивалдар үй-бүлөлөр зордук-зомбулуктан коркпостон чогуу убакыт өткөрө турган коопсуз жай болушу керек. Биз укук коргоо органдары бул маанисиз кылмышка тиешеси бар деп шектелген адамдарды табат деп ишенебиз", - деп жазган ал социалдык тармакта X Жарыяланган маалда фестиваль жекшемби күнү уланабы же жокпу белгисиз болчу