Прокуратура жана УКМК телефондорду тыңшоо жана операторлордун маалымат базасына кирүү тартиби тууралуу сүйлөштү

Бишкек (АКИpress) – Телефондук тыңшоо прокурордун макулдугу менен Жазык-процессуалдык кодекстин алкагында жүргүзүлүүдө, деп билдирди Башкы прокурордун орун басары Үмүткан Конкубаева парламент жыйынында Жогорку Кеӊеште санариптик кодекстин кабыл алынышына байланыштуу айрым мыйзам актыларына өзгөртүүлөрдү киргизүү тууралуу мыйзам долбоору каралды Башкы прокурордун орун басарына бул мыйзам долбоорунда прокуратуранын уруксатысыз телефондорду тыңшоо мүмкүнчүлүгү каралганбы деген суроо берилди Үмүткан Конкубаева мунун баары мыйзамда толук каралганын, прокурордун макулдугу менен гана ишке ашырылышы керектигин айтты. "Биринчиден, тергөөчү көзөмөлдөөчү прокурорго кайрылып, анын макулдугун алып, андан кийин гана сотко кайрылат. Өзгөчө кырдаалдарда маалымат прокурорго жана тергөө судьясына жеткирилиши керек. Ошондой эле ыкчам-издөө иш-чараларына прокурордук көзөмөл орнотулган", — деди ал Улуттук коопсуздук боюнча мамлекеттик комитеттин төрагасынын орун басары Алишер Эрбаев уюлдук операторлордун маалымат базасына кирүү соттун чечими менен гана жана ыкчам-иликтөө иш-чараларынын алкагында ишке ашарын билдирди. Анын айтымында, прокурордук көзөмөл да каралган Ал кирүүнүн электрондук журналы жүргүзүлүп жатканын, бирок жолугушуу ачык режимде өтүп жаткандыктан чоо-жайын айтуу мүмкүн эместигин айтты