Пакистанда билим берүү борборунун чатыры урап, балдар каза болду

Пакистандын Лахор шаарында билим берүү борборунун чатыры кулап, 14 бала каза болгонун жергиликтүү Ary News телеканалы билдирди Жабырлануучулардын эң кичүүсү беш жашта, эң улуусу 16 жашта болчу Ary News агенттигинин маалыматына караганда, кыйраган учурда борбордо 35ке жакын бала болгон; Урандылардын астынан 20 бала жана бир мугалим куткарылды. Он эки бала ооруканага жаткырылды. Пакистандын Саламаттыкты сактоо министрлигинин өкүлү Фарук Ахмеддин айтымында, алардын абалы оор Полиция эки бир тууганды - окуу борборунун кожоюндарын камакка алды. Шалаакылык боюнча жалпысынан беш адам кармалып, дагы бир үй ээсин издөө иштери уланууда Алдын ала маалыматтар боюнча, урап калууга бир кабаттуу үйдүн чатырындагы курулуш иштери себеп болушу мүмкүн - ал жерге топурак жана башка материалдар кошулуп, конструкциядагы жүктү күчөткөн