Ош облусунда логистикалык борбор куруу үчүн 1,6 гектар айдоо аянты трансформацияланды

Ош облусунун Кара-Суу районунун Мадын айыл аймагында жаңы индустриалдык-логистикалык борбор курулат. Бул долбоорду ишке ашыруу үчүн Кыргыз Республикасынын Министрлер Кабинетинин 2026-жылдын 22-апрелиндеги No 271 токтому менен 1,6 га жер тилкесин трансформациялоо жөнүндө Документке ылайык, Кыргыз-Чек айылындагы жеке менчиктеги сугат айдоо жер тилкеси айыл чарба багытындагы жерлер категориясынан өнөр жай, транспорт, байланыш, энергетика жана коргонуу багытындагы жерлер категориясына которулду. Мындай чечим президенттин Ош облусундагы ыйгарым укуктуу өкүлүнүн жана райондук мамлекеттик администрациянын корутундусунун негизинде кабыл алынды Токтомдо ошондой эле экологиялык коопсуздукту көзөмөлдөө, тарыхый-маданий мурас объектилери курулуш учурунда табылса коргоо, айыл чарба өндүрүшүндөгү жоготуулар үчүн менчик ээсине компенсация төлөп берүү боюнча тийиштүү органдарга милдеттер жүктөлдү. Документ расмий жарыяланган күндөн тартып 10 күн өткөндөн кийин күчүнө кирет Кыргызстандагы негизги экономикалык жаңылыктарга көз салыңыз - Telegram жана WhatsApp тармактарындагы Economist.kg каналдарына жазылыңыз. Биз ошондой эле Facebook, Instagram, Threads жана X тармактарындабыз. Бизге кошулуңуз жана ар дайым эң маанилүү нерселерден кабардар болуңуз!