Кыргызстанда күйүүчү-майлоочу майларга чектүү баа киргизилди

Кыргызстанда АИ-92 жана АИ-95 үлгүсүндөгү бензинге, дизель майына жана автогазга чекене чекене баалар убактылуу киргизилди. Чектөөлөр Экономика министрлигине караштуу Монополияга каршы жөнгө салуу кызматынын 2026-жылдын 8-июнундагы №45 буйругу менен белгиленген жана баалар менен жаңыланган тиркеме 2026-жылдын 12-июнундагы №50 буйругу менен бекитилген Мындай чечим өкмөттүн 2026-жылдын 25-майындагы күйүүчү-майлоочу майларга бааны турукташтыруу жөнүндө No369 токтомунан кийин кабыл алынган. Документ менен чекене бааларды убактылуу мамлекеттик жөнгө салуу жана 2026-жылдын 25-майынан 30-сентябрына чейинки мезгилге мунай продуктуларын импорттоочуларды жана сатуучуларды субсидиялоо механизми киргизилген Максималдуу баалар аймакка жараша өзгөрүп турат. АИ-92 үлгүсүндөгү бензиндин эң төмөнкү чеги Талас облусунда – литри үчүн 79,8 сом, эң жогорку чеги – Лейлек районунда – 84,4 сом. Дизель майы үчүн жогорку чек Лейлек жана Чоң-Алай райондорунда литрине 97,3 сомго жетет. Ал эми автогаз үчүн Лейлек районунда эң көп литри 48,8 сом болот Аймактар боюнча максималдуу чекене баалар: Айрым бийик тоолуу жана алыскы аймактар үчүн транспорттук жана логистикалык чыгымдарды эске алуу менен атайын лимиттер белгиленген Буга чейин КР Министрлер Кабинети күйүүчү-майлоочу майларды ташып жана саткан ишканаларга субсидияларды киргизген. Алар сатып алуу баасы менен мамлекет колдоону эсептөө үчүн колдонгон белгиленген баанын ортосундагы айырма үчүн компенсация катары төлөнөт. Субсидиялоо максатында төмөндөгүдөй базалык баалар белгиленген: АИ-92 - тоннасына 860 доллар, АИ-95 - тоннасына 940 доллар, дизель майы - 950 доллар, суюлтулган мунай газы - тоннасына 575 доллар Ишкерлер үчүн бензинди, дизель майын жана автогазды өндүрүү жана импорттоо үчүн акциздик салыкты төлөө мөөнөтү да убактылуу өзгөртүлдү. Иш-чаралар колдонулуп жаткан мезгилде акциздик салыктар отчеттук салык мезгилинен кийинки айдын 20-күнүнө чейин төлөнүүгө тийиш. Министрлер кабинети ошондой эле мунай жана айрым мунай продуктуларын автотранспорт менен ташып келүүгө тыюу салууну убактылуу токтотту - бул чара да 2026-жылдын 30-сентябрына чейин күчүндө