Кыргызстанда жер казынасын пайдалануу боюнча 600гө жакын лицензия убактылуу токтотулуп, айрымдары жокко чыгарылган

Кыргызстандын Жаратылыш ресурстары, экология жана техникалык көзөмөл министрлиги масштабдуу инвентаризациянын жыйынтыгында жер казынасын пайдалануу жаатында жүздөгөн мыйзам бузууларды аныктады. Бул тууралуу ведомствонун басма сөз кызматы билдирди Дагы жаңылыктар жана видеолор Kaktus.media Telegram каналында Министрликтен билдиришкендей, текшерүү жер казынасын пайдалануу укугуна мурда берилген бардык лицензияларды жана лицензиялык келишимдердин шарттарын сактоону камтыды. Жалпысынан республика боюнча 2 миңге жакын мындай лицензиялар берилген Инвентаризациялоонун жүрүшүндө адистер лицензия шарттарын бузган 836 фактыны аныкташкан. Алардын ичинен рекультивациялык эсептерди жана банктык реквизиттерди билдирбөө, бонустарды төлөбөй коюу, лицензиянын мөөнөтүн бүтүрүү, ошондой эле милдеттүү талаптарды аткарбоо боюнча башка учурлар бар Белгиленген мыйзам бузууларды жоюу жана тармакта тартипти орнотуу үчүн 600гө жакын лицензия убактылуу токтотулуп, айрымдары жокко чыгарылган, деп айтылат маалыматта Ошондой эле Жаратылыш ресурстар министрлиги «Кыргызгеологиялык кызмат» мамлекеттик мекемесине жер казынасын пайдалануу чөйрөсүндөгү мыйзамдардын сакталышына мониторинг жүргүзүүнү улантып, ар бир аныкталган мыйзам бузуулар боюнча чара көрүүнү тапшырды