Кыргызстанда бензин жана дизель майына салыкты азайтуу сунушталууда

КР Экономика жана коммерция министрлиги күйүүчү-майлоочу майларга салык жүгүн убактылуу төмөндөтүү боюнча министрлер кабинетинин токтомунун долбоорун коомдук талкууга койду. Документ күйүүчү майдын баасын турукташтырууга жана ички рынокто күйүүчү-майлоочу майдын жетишсиздигин алдын алууга багытталган Долбоорго ылайык, 2026-жылдын 15-майынан 30-сентябрына чейин АИ-92 үлгүсүндөгү бензинге кошумча нарк салыгынын ставкасын 8%га чейин төмөндөтүү сунушталууда. Бул мезгилге дизелдик отун үчүн нөлдүк КНС ставкасын орнотууну каалашат Негиздөө документте бул чечим күйүүчү-майлоочу майлардын кымбатташын ооздуктоо, рыноктун туруктуулугуна ички жана тышкы коркунучтарга ыкчам жооп кайтаруу жана күйүүчү майдын курч тартыштыгын болтурбоо максатында иштелип чыкканы айтылат Экономика министрлиги министрлер кабинети социалдык маанилүү товарларга салыктын ставкаларын убактылуу өзгөртүшү мүмкүн экенин белгилейт. АИ-92 бензини жана дизель майы убактылуу мамлекеттик бааны жөнгө салуу киргизилиши мүмкүн болгон товарлардын тизмесине киргизилди Негиздемеде 11-майда Башкы прокуратуранын имаратында Экономика министрлигинин, Салык жана Бажы кызматтарынын, Мамлекеттик антимонополия органдарынын жана нефтетрейдерлердин катышуусунда күйүүчү-майлоочу майлар боюнча жыйын өткөнү айтылат. Жыйындын жыйынтыгында АИ-92 үлгүсүндөгү бензинге жана дизелдик отунга кошумча нарк салыгын жана акциздик салыкты убактылуу төмөндөтүүнү сунушташты