Кыргызстанда 16 томдук “Кыргыздардын тарыхы” жарык көрөт

Кыргызстанда 16 томдук «Кыргыздардын тарыхы» басмасы чыгат. Бул тууралуу президенттик аппараттан билдиришти Бүгүн, 11-июнда Бишкекте алдыңкы тарыхчылардын, Улуттук илимдер академиясынын кызматкерлери, илимий жана билим берүү коомчулугунун өкүлдөрү, ошондой эле долбоордун тобунун катышуусунда кезектеги жыйын өттү Учурда биринчи жети томду түзүү боюнча иштер жүрүп жатат. Мамлекеттик катчы Арслан Койчиевдин айтымында, “Кыргыз тарыхы” долбоору заманбап илимий ыкмалардын жана булактардын негизинде фундаменталдык академиялык иштерди түзүүгө багытталган маанилүү мамлекеттик жана илимий милдет. Көп томдук тарых илимин өнүктүрүүгө жана тарыхый эстутумду чыңдоого олуттуу салым болуп калууга тийиш Долбоор Кыргызстанда улуттук тарых илимин өнүктүрүүдөгү негизги кадамдардын бири катары каралууда