Кыргызстан улуттук такси агрегаторун жана электромобилдердин паркын түзүүнү каалайт

Кыргызстанда улуттук такси агрегаторун, электромобилдердин паркын жана заряддоо станцияларынын тармагын түзүүнү пландаштырууда. Бул долбоорлор боюнча алкактык макулдашууларга “Кыргыз Республикасынын Улуттук инвестициялык фонду” ААК жана кытайлык Shenzhen Wuyou Technology Co., Ltd. компаниясы кол коюшту, деп билдирди Экономика министрлиги Келишимдерге Экономика жана соода министрлигиндеги салтанатта кол коюлду. Ага Улуттук инвестициялык фонддун башкы директору Уран Темирбеков жана экономика министринин орун басары Беназир Нурланова катышты Жалпысынан тараптар үч алкактык келишимге кол коюшту. Алар үч багыт боюнча долбоорлорду андан ары өнүктүрүүнү караштырышат: Министрлик долбоорлор электр транспортун өнүктүрүүгө, транспорт тармагын санариптештирүүгө жана инвестиция тартууга багытталганын билдирди. Кытай тарап, ведомствонун айтымында, узак мөөнөттүү кызматташууга, тажрыйба жана технология алмашууга кызыкдар экенин ырастады