Казакстандан 8 тоннадан ашык калемпирди Кыргызстанга алып кирүүгө тыюу салынган

Кыргыз-казак мамлекеттик чек арасына жакын жайгашкан “Ак-Жол” фитосанитардык көзөмөл постунда 2026-жылдын 9-июнунда Казакстандан алынып келинген 8600 килограмм калемпирди карантиндик фитосанитардык контролдоо учурунда бул жүктүн фитосанитардык сертификатында көрсөтүлгөн маалыматтар менен транспорттук коштоочу документтерде көрсөтүлгөн маалыматтардын ортосунда дал келбестик аныкталган. Буга байланыштуу фитосанитардык сертификат жараксыз деп табылган. Мыйзам бузууну Кыргызстандын Суу чарба, айыл чарба жана кайра иштетүү өнөр жай министрлигинин алдындагы Химизациялоо, өсүмдүктөрдү коргоо жана карантин департаментинин Чүй-Бишкек башкармалыгы аныктады Евразия экономикалык бирлигинин бажы аймагында карантиндик фитосанитардык контролду (көзөмөлдү) жүргүзүүнүн тартиби жөнүндө жобонун 3.7-пунктуна ылайык, бул жүк жөнөтүүчүгө кайтарылды