Кыргызстанда үч жашка чейинки балдары бар үй-бүлөлөр 1-июлдан тарта 1200 сомдон төлөй баштайт

Кыргызстанда кичинекей балдары бар үй-бүлөлөргө ай сайын жаңы жөлөк пул төлөөнүн тартиби бекитилди. Тиешелүү токтомго министрлер кабинетинин төрагасы Адылбек Касымалиев кол койду Документ президенттин жарлыгынын алкагында кабыл алынган жана үй-бүлөлөрдү колдоого, балдардын жакырчылыгын кыскартууга жана үч жашка чейинки балдардын шарттарын жакшыртууга багытталган Жаңы “Бала Ырысы” жөлөкпулунун өлчөмү айына 1200 сомду түзөт. Төлөмдөр 2026-жылдын 1-июлунан тарта башталат. Финансы министрлигине мамлекеттик бюджеттен өз убагында каржылоону камсыздоо тапшырылды Жөлөкпулдарды иштетүүнү жөнөкөйлөтүү үчүн санариптик кызматтарды жана бөлүмдөр ортосунда маалымат алмашууну активдүү колдонуу пландаштырылууда. Балдардын төрөлүшү тууралуу маалымат Саламаттыкты сактоо министрлигинен Социалдык эмгек министрлигине Тундук системасы аркылуу автоматтык түрдө өткөрүлүп берилет Ошондой эле төлөмдөрдү ишке киргизүүнүн алдында Жер ресурстары, кадастр, геодезия мамлекеттик агенттигине балалуу үй-бүлөлөрдүн жашаган жери боюнча каттоо тутумун жаңыртуу жана өзгөчө алыскы жана бийик тоолуу аймактарда так эсепке алуу үчүн даректик маалыматтарды тактоо тапшырмасы берилди