Каракол шаарында тарыхый музей реконструкцияланууда

Кыргызстандын курулуш, архитектура жана турак жай-коммуналдык чарба министри Нурдан Орунтаев Каракол шаарындагы тарыхый музейди реконструкциялоонун жүрүшү менен таанышты Долбоор жергиликтүү бюджеттин эсебинен ишке ашырылып, жалпы баасы 159 млн сомду түзөт Объектти реконструкциялоо иштери КРнын курулуш министрлигине караштуу «Кыргызкурулуш» мамлекеттик ишканасы тарабынан жүргүзүлүүдө. Учурда иштеп жаткан курулуштарды демонтаждоо иштери аяктап, негизги оңдоо-калыбына келтирүү иштери уланууда Текшерүүнүн жүрүшүндө министр аткарылган иштердин талаптагыдай сапатын, объекттин тарыхый-архитектуралык мурастарын сактоону, ошондой эле реконструкциялоо иштерин бекитилген графикке ылайык өз убагында бүтүрүүнү тапшырды. Мындан тышкары, музейди мындан ары заманбап маданий жана туристтик борбор катары өнүктүрүү зарылчылыгы баса белгиленди Башкы планга ылайык, музей комплекси жалпы аянты 1316 чарчы метрди түзгөн үч имараттан турат. Долбоор имараттын ички жасалгасын жаңыртуу, анын архитектуралык көрүнүшүн жакшыртуу, ошондой эле инженердик тармактарды толугу менен модернизациялоону карайт Учурда аталган жерде аймакты тосуу иштери жүрүп жатат. Мында тазалоочу курулуштарды монтаждоо иштери аяктады