Ысык-Көл облусунда сел учурунда унаадан секирип кеткен өспүрүм изделүүдө (видео)

Ысык-Көл облусунда селден кийин 8-класстын окуучусу өспүрүмдү издөө иштери уланууда. Бул тууралуу 6-июнь күнү саат 10:00гө карата Өзгөчө кырдаалдар министрлигинен билдиришти Ведомстводон билдиришкендей, 5-июнь күнү саат 20:00дөр чамасында жааган жамгырдан улам тоонун боору кулап түшкөн. Балыкчы – Ананьево – Каракол унаа жолунун 92-чакырымын, “Мерседес Спринтер” жана “Форд Мондео” үлгүсүндөгү унааларды топурак жана таш каптады. Мындан тышкары сел эки адамды каптаган. Алардын бири өспүрүм, 8-класстын окуучусу экени айтылууда. Алдын ала маалыматтар боюнча, ал качып кетүүгө аракет кылып, унаадан секирип түшкөн. Аны издөө иштери уланууда Издөө-куткаруу иштерине 291 адам тартылып, анын ичинен ӨКМден 149 куткаруучу, анын ичинде Өзгөчө кырдаалдарга мониторинг жана болжолдоо департаментинин адистери, Ысык-Көл облусунун Жарандык коргонуу кызматынын 80 кызматкери, Ички иштер министрлигинин 50 кызматкери жана Тез жардам кызматынын 50 кызматкери жана 112 кызматкер тартылган Ошондой эле жеринде 20 инженердик жабдуулар бар 5-июнь күнү саат 23:35те 2008-жылы туулган У.Т.нын жансыз денеси табылганын ӨКМ билдирди. Учурда өспүрүмдү издөө иштери уланууда Жеринде кырдаалды өзгөчө кырдаалдар министри Канатбек Чыныбаев жана президенттин Ысык-Көл облусундагы ыйгарым укуктуу өкүлү Бакытбек Жетигенов көзөмөлдөшүүдө Селден улам жабылган Балыкчы - Ананьево - Каракол унаа жолу 6-июнга караган түнү саат 00:52де эки тарапка тең каттам үчүн ачылган. Учурда жолду селдин кесепеттеринен тазалоо иштери жүрүп жатат