Испанияда 812 миллион евролук 30 тонна кокаин кармалды

Испаниянын соту Канар аралдарына жакын жерде кармалган кокаиндин баасын 812 миллион еврого баалады Europa Press агенттигинин маалыматына караганда, кеп 30 тонна баңги заты жөнүндө болуп жатат "Испаниянын Улуттук сотунун судьясы Исмаэл Морено өткөн аптада Канар аралдарына жакын жерде кармалган 30 тонна кокаин жүктү 812 миллион еврого баалады", - деп айтылат материалда Мекеменин маалыматына караганда, бул өлкөнүн тарыхындагы эң ири баңги затын кармоонун бири. Операция Батыш Сахарага жакын жерде Комор аралынын желеги илинген кеме токтотулгандан кийин жасалды. Кеме Сьерра-Леонеден чыгып, Ливияны көздөй бара жаткан Кармоо учурунда Испаниянын жарандык гвардиясы экипаждын 23 мүчөсүн кармаган. Судья бардык камактагыларды күрөөгө бошотууга мүмкүнчүлүк бербей туруп, аларды убактылуу кармоочу жайга камоо чечимин чыгарды Экипаж баңги затын мыйзамсыз жүгүртүүгө, анын ичинде кылмыштуу уюмга катышкан деп шектелүүдө. Алар ошондой эле курал-жарак жана жарылуучу (өрт коркунучу бар) заттарды сактаган деп айыпталууда