Нарын шаарында селден арылтуучу канал курулат -

Нарын шаарынын мэри, шаардык жарандык коргонуу комиссиясынын төрагасы Жылдызбек Беккелдиев тиешелүү кызматтардын жетекчилери менен биргеликте жерине барып, Чыргайлуу жана Бейшеналиева көчөлөрүндөгү сел сууларын жөнгө салуу боюнча абал менен таанышты Муниципалитеттен кабарлашкандай, өзгөчө кырдаалдар бөлүмүнө райондогу сел сууларын агызуучу кичи каналды андан ары Чоң Нарын каналына туташтыруу боюнча долбоорду даярдоону тапшырды Ошондой эле, муниципалдык менчикти башкаруу ишканасынын жетекчисине райондогу мыйзамсыз тосулган жер тилкелерин аныктап, аларды муниципалдык менчикке кайтаруу иштерин жүргүзүү тапшырылды Белгилей кетсек, Чоң Чыргайлуу жана Атакан капчыгайларында да селден коргоочу курулуштар курулат. Учурда тиешелүү долбоор иштелип жатат