Мамлекеттик салык кызматы ишкерлерди колдоо боюнча жаңы чаралар тууралуу айтып берди

Президенттин “Салык тутумун жана салыктык башкарууну өркүндөтүү боюнча чаралар жөнүндө” жарлыгы менен ишкердикти колдоого, салыктык башкарууну жакшыртууга жана салык тутумунун натыйжалуулугун жогорулатууга багытталган чаралардын комплекси каралган, деп билдирет Мамлекеттик салык кызматы Бул документтин алкагында: – ишкерлерге 2026-жылдын 1-октябрына чейин бирдиктүү салык режиминен жалпы салык режимине өтүү мүмкүнчүлүгү берилет.Бул чара салык режимин тандоонун ийкемдүүлүгүн кеңейтүүгө жана бизнести өнүктүрүү үчүн жагымдуу шарттарды түзүүгө багытталган; – Кыргыз Республикасынын Мамлекеттик чек арасынын кыргыз-тажик тилкесинде 2022-жылдагы окуялардан кийин Баткен облусунун жарандары үчүн турак жайларды курууга катышкан курулуш уюмдарынын салык карыздарын кечүү жөнүндө жобо каралган. Чечим мамлекеттик социалдык маанилүү милдеттердин аткарылышын камсыз кылуучу уюмдарды колдоого багытталган; – 2025-жылдын 1-апрелине чейин ашыкча легалдаштырылган товарлардын калдыктарын салык органдарынан мүмкүн болгон кошумча төлөмдөрдү жоюу үчүн оңдоого болот; – мамлекеттик кадастрдын маалыматтарынын негизинде салыктарды автоматтык түрдө эсептөөнүн жаңы системасына өтүүгө жана кыймылсыз мүлк жөнүндө маалыматтарды жаңыртуу зарылчылыгына байланыштуу салык төлөөчүлөр 2026-жылга карата мындай эсептөөлөр боюнча айыптарды төлөбөйт Ошону менен бирге, берилген салыктык жеңилдиктерди жана бизнес-коомчулукка мамлекеттик колдоо көрсөтүү чараларын эске алуу менен товарлардын мыйзамсыз жүгүртүүсүнө көзөмөлдү күчөтүү зарыл Ушуга байланыштуу контрабандалык продукция үчүн жоопкерчилик чараларын өркүндөтүү, анын ичинде жазанын пропорционалдуулугун камсыз кылуу жана көмүскө экономикага каршы күрөштүн натыйжалуулугун жогорулатуучу товарлардын наркына жараша айыптарды дифференциялоо сунушталууда