Европада Орусияга каршы санкциялардын 21-пакети тааныштырылды

Бүгүн Евробиримдик Орусияга каршы санкциялардын 21-пакети боюнча сунуштарын берди. Бул тууралуу Евробиримдиктин тышкы жана коопсуздук саясаты боюнча жогорку өкүлү Кая Каллас X социалдык тармагындагы баракчасына жазды «Биз россиялык мунайга болгон баанын чегин убактылуу тоңдуруп, Россияга LNG ташуучу танкерлерди кайра сатууга жаңы чектөөлөрдү киргизебиз», - деп белгиледи ал Калластын айтымында, санкциялардын жаңы пакети банктарга, курал өндүрүүчүлөргө, мунай трейдерлерине, мунай иштетүүчү заводдорго, ошондой эле үчүнчү өлкөлөрдө иштеген криптовалюталык операторлорго каршы багытталган "Мындан тышкары Украинага каршы согушка катышкан мурдагы орусиялык аскер кызматкерлерине, ошондой эле активдүү аскер кызматкерлерине жана орусиялык прокси топтордун мүчөлөрүнө карата визалык чектөөлөр киргизилет. Жаңы санкция тизмесине учкучсуз учактарды чыгаруу менен байланышкан 30дан ашык компания кирет. Мындан тышкары 50дөн ашык компанияга экспорттук көзөмөл киргизилет. Алардын арасында Кытай, Түркия, Индияда жайгашкан ишканалар бар", — деп билдирди Ал кошумчалагандай, Орусиянын өндүрүштүк мүмкүнчүлүктөрүн азайтуу максатында никель порошок, автомобиль тетиктерин, бир катар баалуу металлдарды жана химиялык заттарды импорттоого чектөөлөр киргизилет Санкциялар пакети ошондой эле 90го жакын банктардагы орус активдерин тоңдурууну камтыйт