Евробиримдик Азербайжандын аймактарында бизнести колдоо боюнча жаңы чараларды иштеп чыгууда

Европа Биримдиги Азербайжандын Карабак жана башка аймактарында ишкерликти колдоо боюнча жаңы долбоорлорду иштеп чыгууда Бул тууралуу Евробиримдик менен Азербайжандын өнөктөштүгүнүн 30 жылдыгына жана Гянджада ишке ашырылып жаткан долбоорлорго арналган брифингде Евробиримдиктин өкүлчүлүгүнүн кызматташтык бөлүмүнүн башчысы Виктор Божков билдирди Анын айтымында, Евробиримдик Азербайжандын аймактарында ишке ашырылып жаткан долбоорлорго өзгөчө маани берет жана бул багытта ишмердүүлүгүн улантууда: "Биз буга чейин аймактарда ар кандай долбоорлорду ишке ашырганбыз жана бул иш азыр да уланууда. Бул биздин стратегиянын маанилүү бөлүгү. Биз аймактарды кароосуз калтырбайбыз", - деди ал В.Божков белгилегендей, буга чейин ЕБ Ленкаран жана Астара аймактарында жылдык бюджети 15 миллион евро болгон программаны ишке ашырган. Анын айтымында, бул долбоордун алкагында жергиликтүү айыл чарба өндүрүүчүлөрүнө колдоо көрсөтүлүп, программа олуттуу жыйынтыктарды берди: «Айрым өндүрүүчүлөр өндүрүштүк кубаттуулугун төрт эсеге көтөрө алышты» Евробиримдиктин өкүлү учурда Европа реконструкциялоо жана өнүктүрүү банкы менен биргеликте Карабак аймагына жаңы инвестициялык долбоор даярдалып жатканын билдирди «Бул долбоор жергиликтүү ишкерликти, өзгөчө чакан бизнести өнүктүрүүгө дем берүүгө багытталган», - деп кошумчалады В.Божков Текстте ката байкадыңызбы? Текстти тандап, тергичтен Ctrl + Enter баскычтарын басып, бизге кабарлаңыз