Бишкекте суу менен камсыздоону модернизациялоонун экинчи фазасы аяктады: Акчабарда Орто-Алыш долбоору бекемделди

Орто-Алыш суу алуучу жайынын аймагында Швейцария Конфедерациясынын өкмөтү жана Европа реконструкциялоо жана өнүктүрүү банкынын колдоосу менен ишке ашырылып жаткан “Бишкек шаарынын суу менен камсыздоо жана канализация тутумдарын реабилитациялоо” долбоорунун экинчи фазасынын аяктагандыгына арналган иш-чара өттү Иш-чарага Бишкек шаарынын мэри Айбек Жунушалиев, ЕРӨБ аймактык директору Айтен Рустемова жана Швейцариянын Кыргыз Республикасындагы Атайын жана Ыйгарым укуктуу Элчиси Сирокко Мессерли катышты Өз сөзүндө Бишкек шаарынын мэри Айбек Жунушалиев 2022-2023-жылдары борбор шаар тургундарын ичүүчү суу менен камсыз кылууда олуттуу көйгөйлөргө туш болгонун белгиледи. Анын айтымында, долбоордун алкагында ишке ашырылган иш-чаралар суу менен камсыздоо системасын олуттуу түрдө бекемдөөгө жана анын ишенимдүүлүгүн жогорулатууга мүмкүндүк берди Шаар башчысы эл аралык өнөктөштөрдүн борбордун инженердик инфраструктурасын өнүктүрүүгө кошкон салымынын маанилүүлүгүн белгилеп, Швейцария Конфедерациясынын өкмөтүнө, Европа реконструкциялоо жана өнүктүрүү банкына, ошондой эле долбоордун бардык катышуучуларына аткарылган иштер үчүн өзгөчө ыраазычылык билдирип, биргелешкен күч-аракет менен Бишкек шаарынын тургундары үчүн реалдуу натыйжаларга жетишүүгө мүмкүн болгонун белгиледи Өз кезегинде ЕБРРдин аймактык директору Айтен Рустемова долбоордун экинчи фазасынын жыйынтыктарын жогору баалап, үчүнчү фазанын алкагында кызматташуу мындан ары да улана берерине ишеним билдирди. Ал ошондой эле жылуулук менен камсыздоо тармагында өнөктөштүк мамилелерди өнүктүрүүгө кызыкдар экенин белгилеп, коммуналдык инфраструктураны модернизациялоонун маанилүүлүгүн белгилеп, экологиялык абалды жакшыртууга багытталган долбоорлордун маанилүүлүгүн белгиледи Долбоорго инвестициянын жалпы көлөмү 16 миллион еврону түздү, анын 8 миллион евросу кредит, 8 миллион евросу грант түрүндө берилди Долбоордун алкагында Орто-Алыш суу алгычында 35 жаңы скважина бургуланып, ишке киргизилди, узундугу 3,2 чакырым магистралдык суу түтүгү курулуп, 11 чакырым канализациялык коллектордун курулушу аяктады. Ичүүчү жана саркынды сууларды көзөмөлдөөнүн сапатын жогорулатуу үчүн заманбап лабораториялык жабдуулар менен камсыздалган Долбоорлорду эффективдүү башкаруунун аркасында Бишкектин түштүк бөлүгүндө инженердик инфраструктураны өнүктүрүүгө багытталган 3,6 млн евро гранттык каражаттарды үнөмдөөгө мүмкүн болду. Натыйжада 2,6 километр суу проводу жана 4,9 километр канализация тармактары курулду Мындан тышкары, “Бишкексууканал” ишканасына 108 даана техника жана 4 даана адистештирилген техника алынды Долбоор 2025-жылдын май айында аяктады. Өздөштүрүлгөн каражаттардын жалпы суммасы долбоордун жалпы бюджетинин 98% ашыгын түздү Долбоорду ишке ашыруу суу менен камсыздоо жана канализация системаларынын ишенимдүүлүгүн жогорулатууга, калкты тейлөөнүн сапатын жогорулатууга жана борбордун инженердик инфраструктурасын андан ары өнүктүрүү үчүн негиз түзүүгө мүмкүндүк берди Кабардар болуңуз! Биздин Telegramга жазылыңыз