Бишкекте кыргыз-кытай тышкы иштер министрликтер аралык консулдук консультациялары өттү

2026-жылдын 10-июнунда Бишкек шаарында кыргыз-кытай тышкы иштер министрликтер аралык консулдук консультациялары болуп өттү. Делегацияны Кыргызстандын Тышкы иштер министрлигинин Консулдук департаментинин директору Сейтек Жумакадыр уулу жана Кытайдын Тышкы иштер министрлигинин Консулдук департаментинин директору Лон Чжоу жетектеп барышты Сүйлөшүүлөрдүн жүрүшүндө консулдук чөйрөдөгү эки тараптуу кызматташуунун маанилүү жана актуалдуу маселелерин кеңири чөйрөсү кеңири талкууланды Негизги темалардын бири Кыргызстан менен Кытайдын ортосундагы визаны либералдаштыруу маселеси болду. Тараптар туристтик жана ишкердик байланыштарды чыңдоо үчүн жарандарга виза берүү процедураларын жөнөкөйлөштүрүү жана тездетүүнүн маанилүүлүгүн баса белгилешти Кыргыз Республикасынын жана Кытай Эл Республикасынын жарандарынын жана ишканаларынын укуктарын жана кызыкчылыктарын коргоо маселелерине өзгөчө көңүл бурулду. Тараптар эки өлкөнүн жарандарынын жана ишкерлеринин ишмердүүлүгүндө адилеттүүлүктү жана мыйзамдуулукту камсыз кылуу үчүн бул жаатта активдүү кызматташууга даяр экендиктерин билдиришти Мындан тышкары, соттолгон жарандарды экстрадициялоо маселеси талкууланды. Кыргыз тарап КЭР аймагында жаза мөөнөтүн өтөп жаткан Кыргыз Республикасынын жарандарын которуу боюнча арыздарды кароону тездетүүнү жана андан ары көмөк көрсөтүүнү өтүндү Эки мамлекеттин ортосундагы келишимдик-укуктук базаны кеңейтүү перспективаларына өзгөчө көңүл бурулду. Тараптар консулдук мамилелер жөнүндө Вена конвенциясынын жоболоруна берилгендигин ырасташты, ошондой эле консулдук кызматты санариптештирүү жана жакшыртуу жаатында тажрыйба алмашышты