Бишкекте жазгы веложүрүш болуп өттү

Бүгүн, 2026-жылдын 1-майында Бишкек шаарында борбор калаанын 148 жылдыгына арналган жазгы веложүрүш болуп өттү. Веложүрүш Д.Асанов атындагы Жеңиш паркынан башталып, катышуучулар «Газпром-Балдар» спорттук-эс алуу комплексинин аймагында жыйынтыкталды. Маршруттун жалпы узундугу 5,5 чакырымды түзгөн Иш-чарага профессионал да, ышкыбоздор да катышты; жарандар үй-бүлөлөрү менен келишти. Ачылышка 2000ден ашык велосипедчи катышты. Финишке келген коноктор үчүн оюн-зоок программасы уюштурулду Веложүрүш шаардын мэри Айбек Жунушалиевдин катышуусунда өтүп, катышуучулар менен бирге баштан аяк аралыкты аттап өтүштү. Мэрдин орун басары Виктория Мозгачева жана шаардык кызматтардын жетекчилери да катышты Иш-чаранын расмий бөлүгүндө борбор калаа башчысы Бишкек шаарынын мэриясы спорттун өнүгүшүнө ар дайым колдоо көрсөтүп, велоспортчулар үчүн шарттарды түзүп жатканын белгилеп, шаарда велоспорт маданиятын түзүүнүн маанилүүлүгүн белгиледи. Ошондой эле мэр өжөрлүгү үчүн мүмкүнчүлүгү чектелген катышуучуга акчалай сыйлык тапшырды Катышуучулардын коопсуздугун Жол кыймылынын коопсуздугун камсыздоо боюнча мамлекеттик инспекциясы, тез жардам унаалары жана ыктыярчылар камсыз кылышты. Велосипед колоннасы аралыкты жана бардык эрежелерди сактоо менен уюшкандыкта кыймылдады Иш-чара салттуу түрдө Бишкек шаарынын мэриясынын дене тарбия жана спорт, туризм жана жаштар иштери боюнча башкармалыгы жана Бишкек шаарынын велоспорт федерациясы тарабынан уюштурулду