Бишкекте Манастын жанына жаңы жол сала башташты. Жарандар үчүн эмне өзгөрөт (видео)

Бишкекте шаардын башкы планын ишке ашыруунун алкагында Миңжылкиев көчөсүн куруу иштери башталды Бүгүн, 11-июнда Бишкек шаарынын мэри Айбек Жунушалиев иш жаткан жерге барып, Кыргыз-Түрк “Манас” университетинин жашоочулары жана өкүлдөрү менен жолугушту. Жолугушууда аларга долбоордун мааниси, анын негизги параметрлери жана коопсуздук чаралары түшүндүрүлдү Көчөнүн жалпы узундугу 1,35 чакырымды түзөт. Долбоор азыркы линияны бойлото туурасы 8 метр жолду, ошондой эле жашыл аймакты милдеттүү түрдө сактоо менен эки тарапка тротуарларды курууну камтыйт Жаңы жол Айтматов проспектисин Тыналиев көчөсү менен, андан ары Курчатов көчөсү менен байланыштырат. Бул Ахунбаев жана Жайыл Баатыр көчөлөрүндөгү жүктөмдү азайтып, аймактагы транспорттук байланышты жакшыртат Маршруттун бир бөлүгү Кыргыз-Түрк “Манас” университетинин кампусун бойлой өтөт. Студенттердин жана шаар тургундарынын коопсуздугу үчүн эки жер астындагы жөө адамдар өтүүчү өтмөк куруу пландалууда Долбоор ошондой эле инженердик тармактарды көчүрүү жана жаңылоо, заманбап жарыктандырууларды, жол белгилерин жана белгилерди орнотууну камтыйт. Ошондой эле кыймылы чектелүү жарандардын жүрүүсүнө шарттар түзүлөт Долбоорду ишке ашыруу, мэриянын маалыматы боюнча, жолдордогу тыгындарды жоюуга, жол кыймылынын коопсуздугун жогорулатууга жана борбордо транспорттун жеткиликтүүлүгүн жакшыртууга мүмкүндүк берет