Азербайжанда Эстониянын элчилиги ачылды

Азербайжанда Эстония Республикасынын элчилиги ачылды. Бул тууралуу Азербайжан менен Эстониянын тышкы иштер министрликтеринин саясий консультацияларынын жыйынтыгы боюнча пресс-релизинде айтылат Консультациялардын алкагында Азербайжан менен Эстониянын ортосундагы саясий мамилелердин учурдагы абалы каралып, эки тараптуу диалогду тынымсыз өнүктүрүүдө эл аралык платформалардын алкагындагы өз ара сапарлардын жана жолугушуулардын ролу өзгөчө белгиленди Эстониянын Азербайжандагы элчилигинин ишинин башталышына канааттануу билдирилди Жолугушуунун жүрүшүндө тараптар ошондой эле экономикалык, гуманитардык жана билим берүү чөйрөлөрүндөгү кызматташтыктын учурдагы абалын жана мындан аркы өнүгүү келечегин талкуулашты. Муну менен катар эл аралык уюмдардын алкагындагы өз ара аракеттенүү, ошондой эле Азербайжандын демилгеси жана активдүү катышуусу менен ишке ашырылып жаткан стратегиялык энергетикалык жана транспорттук долбоорлор боюнча пикир алмашуу болду Тараптар аймактагы учурдагы кырдаалды, азербайжан-армян мамилелерин жөнгө салуу, ошондой эле өлкөбүздүн оккупациядан бошотулган аймактарындагы масштабдуу курулуш-калыбына келтирүү иштеринин жана миналардан тазалоонун жүрүшүн талкуулашты Ошону менен катар эки тарапты кызыктырган аймактык жана эл аралык күн тартибиндеги башка маселелер боюнча да пикир алмашуу болду