Арменияда партиялардын ысымдарында жеке ысымдарды колдонууга тыюу салынды

Армениянын парламенти Шайлоо кодексине өзгөртүүлөрдү экинчи жана акыркы окууда кабыл алды Sputnik Армения билдиргендей, мыйзам долбооруна 66 депутат "макул", 16 депутат "каршы" добуш берди “Граждандык келишим” партиясынын депутаттары тарабынан иштелип чыккан документте партиялардын жана шайлоо блокторуна жеке адамдардын, ошондой эле мамлекеттик жана муниципалдык уюмдардын (“Армения”, “Ереван” ж.б.у.с.) ысымдарын колдонууга тыюу салуу каралган Биринчи учурда тыюу салуу персоналдаштырылган саясаттан институционалдык саясатка өтүү зарылчылыгы менен түшүндүрүлсө, экинчисинде – саясий күчтөр өздөрүн мамлекет менен бирдейлештирбөө керектиги менен түшүндүрүлөт. Мындан тышкары, ысымдарга кемсинткен сөздөрдү кошууга тыюу салынат Талкуунун жүрүшүндө юстиция министринин орун басары Геворг Кочарян 2024-жылдын декабрынан бери добуш берүү бюллетенин конвертте бөтөн нерселер, анын ичинде жазуусу бар кагаздар бар болсо, жараксыз деп эсептелген норма иштеп жатканын эске салды. Бул эреже 7-июндагы шайлоодо да колдонулат Ал ошондой эле шайлоо блокторунун расмий аталыштарында аларга кирген партиялардын тизмесин көрсөтүү талабы мурда жокко чыгарылганын белгиледи Талкуу болгон күнү парламент имаратынын жанында Самвел Карапетяндын тарапкерлеринин митинги өттү. Буга анын “Күчтүү Армения” партиясынын “Самвел Карапетян менен күчтүү Армения” деген ат менен шайлоого катышуу ниети себеп болгон Оппозиция бул демилгени сындап, аны кабыл алуу мөөнөтүн эске алуу менен - 13-апрелде шайлоонун катышуучуларын каттоо башталганга чейин саясий жүйө деп атады Белгилей кетсек, кезексиз жыйындын күн тартибине терең фейктерди – жасалма жол менен түзүлгөн сүрөттөрдү жана үндөрдү колдонууну жөнгө салууга багытталган “Аудиовизуалдык маалымат каражаттары жөнүндө” мыйзамга өзгөртүүлөрдү киргизүү боюнча мыйзам долбоору да киргизилген. Документ телеканалдарды жана радиолорду мындай мазмунду так белгилөөгө милдеттендирет Жогорку технологиялык өнөр жай министри Мхитар Айрапетян белгилегендей, бул талаптар азырынча интернет-ресурстарга тиешелүү эмес, бирок жакынкы айларда тиешелүү ченемдик укуктук актыларды иштеп чыгуу пландалууда