Өзбекстан Казакстандагы ондогон эмгек мигранттарынын документтерин кайтарып берди

Өзбекстандын Алматыдагы башкы консулдугу Казакстандагы абийирсиз иш берүүчүлөр тарабынан документтерин тартып алган 34 эмгек мигрантынын паспортторун кайтарып берүүгө жардам берди. Дипломаттардын кийлигишүүсүнөн кийин документтер ээлерине өткөрүлүп берилди. Бул тууралуу “Dunyo” маалымат агенттиги билдирди Мекеменин маалыматына караганда, Казакстанда оор кырдаалга туш болгон Өзбекстандын жарандарына жардам көрсөтүлгөн Документтерин кайтарып берүүдөн тышкары 11 адам жатаканага убактылуу жайгаштырылды, материалдык жактан кыйналган 13 жарандын Өзбекстанга авиабилет акысын мамлекет төлөп берди Ошондой эле, медициналык жардамга муктаж болгон бир жаран ооруканага жаткырылды — дарыланууга кеткен чыгымды мамлекет көтөрдү Убактылуу кармоочу жайларда отурган Өзбекстандын 221 жараны менен дипломаттар өзүнчө видеоконференция өткөрүштү. Аларга мекенине кайтуу үчүн керектүү документтер даярдалган Мындан тышкары, Башкы консулдуктун кызматкерлери жеринде Шымкент, Кызылорда, Жамбыл жана Түркстан облустарында консулдук кабыл алууларды уюштуруп, өзбек мигранттары иштеп жаткан курулуш объектилеринде болушту. Жолугушуунун жүрүшүндө жарандар Казакстандын миграциялык мыйзамдарынын эрежелери тууралуу эскертип, эмгек мигранттарын колдоо боюнча жаңы чаралар тууралуу айтып беришти