Өзбекстан курама команданын оюнчуларын издөөгө байланыштуу АКШдан түшүндүрмө берүүнү талап кылды

Нью-Йоркто Өзбекстан курама командасынын футболчулары металл издегичтер жана иттердин жардамы менен тинтилди Өзбекстандын Тышкы иштер министрлигинин басма сөз катчысы Омонулла Файзиев өзбек тарап Нью-Йорктогу беттештин алдында футбол боюнча улуттук кураманын мүчөлөрүн тинтүүгө байланыштуу АКШ бийлигинен түшүндүрмө сураганын билдирди. Ал мындай коопсуздук чаралары спорттук иш-чаралардын духун бузбашы керектигин белгиледи. Кийинчерээк улуттук кураманын башкы машыктыруучусу Фабио Каннаваро бул коопсуздуктун стандарттык процедурасы экенин жана болгон окуяда эч кандай чатак же сыйлабастык болбогонун айтты «Коопсуздуктун бардык чаралары мамлекеттердин ички эрежелерине ылайык колдонулуп жатканын түшүнүү менен биз мындай процесстер спорттук иш-чаралардын духуна, атап айтканда, өз ара урматтоого жана достук мамилелерге доо кетирбөө маанилүү деп эсептейбиз», - деди Өзбекстандын Тышкы иштер министрлигинин өкүлү Өзбекстандын футбол боюнча курама командасы тарыхында биринчи жолу 2026-жылы өтө турган футбол боюнча дүйнө чемпионатынын финалдык бөлүгүнө катышат. Турнир АКШ, Канада жана Мексикада өтүп, Өзбекстандын курама командасы Борбор Азиядан тарыхта дүйнө чемпионатына өткөн биринчи команда болуп калды. Өзбекстан татаал К тайпасына түштү. Алардын атаандаштары Колумбия, Португалия жана Конго ДР командалары болду