Өзбекстан түшүндүрмө талап кылды - видео

Өзбекстандын Тышкы иштер министрлиги Америка тарапка футбол боюнча улуттук кураманын оюнчуларын Нью-Йорк аэропортунда күчөтүлгөн текшерүүнүн жагдайын түшүндүрүп берүү өтүнүчү менен кайрылды «Коопсуздуктун бардык чаралары мамлекеттердин ички эрежелерине ылайык колдонулуп жатканын түшүнүү менен биз мындай процесстер спорттук иш-чаралардын духуна, атап айтканда, өз ара урматтоого жана достук мамилелерге доо кетирбөө маанилүү деп эсептейбиз», - деди Өзбекстандын Тышкы иштер министрлигинин басма сөз катчысы Омонулла Файзиев окуяга комментарий берип жатып 8-июнда Нью-Йоркто Өзбекстандын футбол боюнча курама командасы коопсуздук боюнча кошумча текшерүүдөн өттү. Спортчулардын жүгү тыкыр текшерилип, металл издегичтер жана кинологиялык кызматтар колдонулган. Кийинчерээк улуттук команданын машыктыруучусу Каннаваро окуя стандарттык коопсуздук процедурасы болгонун жана эч кандай "ылайыксыз же урматсыз мамиле" болбогонун айтты pic.twitter.com/h7Ri2I8xSd 8-июнь күнү Нью-Йорк шаарындагы Icahn стадионунда 2026-жылкы дүйнөлүк чемпионатка даярдык көрүү алкагында Өзбекстан менен Голландия курама командаларынын жолдоштук беттеши өттү. Оюндун алдында Өзбекстан курамасы күчөтүлгөн коопсуздук текшерүүсүнөн өттү. Футболчулар менен делегация мүчөлөрүн коопсуздук кызматкерлери жыттоочу иттер менен кошумча тинтишти. Текшерүү курама командалардын жолугушуусу боло турган стадиондун кире беришинде өттү Жолугушуунун жыйынтыгында Голландия 2:1 эсебинде жеңишке жетти Өзбекстан курама командасы дүйнөлүк чемпионаттагы оюнун 18-июнда Колумбиянын курама командасы менен беттешүү менен баштайт. 23-июнда команда Португалия менен, ал эми 27-июнда Конго менен беттешет