Өзбекстан менен АКШ Бизнес жана инвестиция кеңешин ачты

7-апрелде Вашингтондо АКШ-Өзбекстан бизнес жана инвестиция кеңешинин расмий ачылыш аземи болуп, ага Өзбекстандын президентинин администрация башчысы Саида Мирзиеева жана АКШнын президентинин Түштүк жана Борбордук Азия боюнча атайын өкүлү, кеңештин теңтөрагалары Сержио Гор катышты "Бул биздин өлкөлөрдүн ишкерлеринин ортосундагы байланыштарды чыңдоо үчүн түзүлгөн платформа. Кеңеш биргелешкен бизнес амбициялары үчүн күчтүү институционалдык негиз түзүүнү көздөйт. Жолугушуунун жыйынтыгында өз ара түшүнүшүү меморандумуна кол коюлду", — деп жазды Саида Мирзиёева өзүнүн Telegram каналында Кеңештин теңтөрагасы Сержио Гордун X гезитиндеги басылмасында баса белгилегендей, акыркы бир жылда АКШ Борбор Азиядагы стратегиялык өнөктөштүктү кеңейтүү ниетинин олуттуулугун иш жүзүндө далилдеди жана жаңы түзүм эки тараптын бизнес амбицияларын ишке ашырууну камсыздайт «[АКШ президенти Дональд] Трамп ноябрда Вашингтондо С5+1 (Борбор Азия өлкөлөрү менен АКШнын ортосундагы диалог форматы – ред.) лидерлерин кабыл алгандан бери Өзбекстан америкалык компаниялар менен жүз миллиондогон долларлык келишимдерге кол койду», — деп белгиледи ал АКШ-Өзбекстан бизнес жана инвестиция кеңеши эки өлкөнүн инвестиция жана экспорт мүмкүнчүлүктөрүн кеңейтүүнү көздөйт. Уюмдун артыкчылыктуу багыттарынын арасында стратегиялык бизнес демилгелерди, ири инвестициялык жана соода долбоорлорун иштеп чыгууну жана бекитүүнү координациялоо; тарифтик ставкаларды өз ара төмөндөтүү боюнча сүйлөшүүлөрдү улантуу; Программалык продуктылар жана маалыматтык технологиялар технологиялык паркынын (IT-парк) резиденттеринин өнүмдөрүн жана кызматтарын системалуу жылдыруу ж.б Кеңешти түзүү жараяны 2025-жылдын ноябрында Өзбекстандын президенти Шавкат Мирзиёев тиешелүү жарлыкка кол койгондон кийин башталган Azattyk Asia © 2026 RFE/RL, Inc. | Бардык укуктар корголгон