20 миллион сомдон ашык зыян келтирилген. Бишкек Жылуулук электр борборунун директорунун орун басары кармалды -

Бишкек Жылуулук электр борборунун, Жаратылыш ресурстар министрлигине караштуу «Борбордук лаборатория» мамлекеттик ишканасынын кызмат адамдары, ошондой эле «АГ» ЖЧКсынын жооптуу адамдары тарабынан кызматтык абалынан кыянаттык менен пайдалануу фактысы аныкталды. Бул тууралуу Улуттук коопсуздук мамлекеттик комитети билдирди Анын айтымында, алар 2025-жылдан 2026-жылга чейин лабораториялык изилдөөлөрдүн жыйынтыгын бурмалоого байланыштуу коррупциялык схеманы уюштурушкан. Алар берилген көмүрдүн сапатын жасалма түрдө жогорулатып жиберишкен Натыйжада мамлекеттик бюджетке 20 миллион сомдон ашык зыян келтирилген, ошондой эле жылытуу мезгилинин туруктуу өтүшүнө жана Бишкек шаарынын энергетика системасынын ишенимдүү иштешине реалдуу коркунуч жаралган Чогултулган материалдардын жыйынтыгы менен Бишкек Жылуулук электр борборунун директорунун орун басары Т.Р.А. кармалып, КР МУККнын СИЗОсуна камалды. Тергөө иштери жүрүп жатат