Уран калдыктары бар аймактарды өнүктүрүү үчүн жаңы кооперация түзүлдү

Бишкек, 04.06.26. /Кабар/. Нарын облусунун Миң-Куш айылында өткөн "Унутта калган шаарларды жандандыруу" аттуу туристтик форумда өлкө үчүн маанилүү чечим кабыл алынды Өзгөчө кырдаалдар министрлигинен билдиришкендей, анда уран калдыктары жайгашкан объекттерге жакын жайгашкан муниципалитеттердин жетекчилери биргелешип иштешүү үчүн кооперация түзүштү Иш-чара Европа биримдигинин каржылык колдоосу менен өтүп, ага ЕККУ жана БУУнун Өнүктүрүү программасынын өкүлдөрү катышты Жаңы түзүлгөн кооперация уран калдыктары бар аймактардын кызыкчылыктарын биргелешип коргоо жана кошумча инвесторлорду, ресурстарды тартуу, экологиялык коопсуздукту камсыздоо жана рекультивациядан кийинки мониторингди бирге жүргүзүү, уран маселеси менен гана чектелбестен, бул аймактарда жергиликтүү бизнести, туруктуу туризмди өнүктүрүү жана инфраструктураны жандандыруу менен алектенет Жаңы бирикмеге Майлуу-Суу шаарынын, Миң-Куш, Кара-Таш, Кызыл-Жар, Терек-Сай, Молдо Нияз, Күн-Чыгыш аймактарынын жетекчилери жана эл аралык эксперттер кирди Форумдун алкагында аймактарды өнүктүрүүнүн альтернативдүү экономикалык жолдорун издөөгө багытталган жылдарга карата иш-планы талкууланды. Анда чакан шаарларды туруктуу туризм аркылуу кайра бутуна тургузуу долбоорлоруна өзгөчө көңүл бурулду